English

सुदर्शन भारत सेवा फाउंडेशन

संस्थेविषयी

१८ जून २०२३ रोजी पुण्यातील सावरकर अध्ययन केंद्र येथे सुरू झालेली ही वाटचाल आज आरोग्य, शिक्षण आणि व्यापक समाजसेवेकडे विस्तारत आहे.

आमची ओळख

“सुदर्शन कॅन्सर हॉस्पिटल अँड रिसर्च फाउंडेशन” या मूळ नावाने सुरू झालेल्या संस्थेचा विस्तारित सेवाभाव “सुदर्शन भारत सेवा फाउंडेशन” या नावातून व्यक्त होतो.

कर्करोगाविषयी जागरूकता, प्रतिबंधाचे महत्त्व, जोखीम तपासणी, लवकर निदान आणि योग्य उपचारांशी जोडणी यावर आमचा भर आहे.

सुदर्शन नावाची प्रेरणा

डॉ. अनंतभूषण रानडे यांनी स्पष्ट केलेली सुदर्शन चक्राची संकल्पना—समाजाच्या आरोग्यरक्षणासाठी सजग, सातत्यपूर्ण कृती—आमच्या कार्याला दिशा देते.

स्थापना सोहळा · १८ जून २०२३
स्थापना सोहळा · १८ जून २०२३

सुदर्शनच्या सेवाकार्याची प्रारंभिक जडणघडण

सुदर्शन फाऊंडेशनच्या सेवाकार्याची संकल्पना स्व. श्री. धनंजय रामचंद्र घाटे (धनंजयदादा) यांच्यासमोर मांडण्यात आली. त्यांनी या संकल्पनेला पाठबळ देत पुढील चर्चा आणि आवश्यक जोडणी घडवून आणण्यासाठी मोलाचे सहकार्य केले. या अनुषंगाने तत्कालीन प्रांत प्रचारक मा. अण्णा वाळिंबे यांच्याशीही चर्चा झाली. त्यांनी हा विषय प्रांत कार्यवाहांसमोर मांडण्याचे सुचवले.

त्यानुसार एका कार्यालयात झालेल्या बैठकीला प्रांत कार्यवाह मा. डॉ. प्रवीणजी दबडघाव, श्री. अमोल जोशी, श्री. रवी लाटे, श्री. धनंजय जोशी, श्री. योगेश देशपांडे आणि श्री. मंगेशजी घाटपांडे उपस्थित होते. या बैठकीत सुदर्शनच्या प्रस्तावित सेवाकार्याविषयी सकारात्मक आणि सविस्तर चर्चा झाली. समाजाच्या गरजा लक्षात घेऊन नियोजनबद्ध पद्धतीने कार्य उभे करण्यासाठी प्रांत कार्यवाहांनी मार्गदर्शन व प्रोत्साहन दिले. या चर्चेतून सेवाकार्याची दिशा अधिक स्पष्ट झाली आणि सुदर्शनच्या कार्याला प्रत्यक्ष सुरुवात करण्याची प्रेरणा व बळ मिळाले.

‘सुदर्शन’ नावामागील प्रेरणा

सुदर्शन भारत सेवा फाऊंडेशनच्या प्रारंभदिनी वैद्यकीय कर्करोगतज्ज्ञ डॉ. अनंतभूषण रानडे यांनी ‘सुदर्शन चक्रा’ची संकल्पना मांडून संस्थेच्या नावाला सेवाभावाचा अर्थ दिला. याच प्रसंगी त्यांनी संस्थेच्या कार्याशी कायमस्वरूपी जोडले राहण्याचा मानसही व्यक्त केला.

भगवान श्रीकृष्णाचे सुदर्शन चक्र दुष्ट शक्तींचा नाश करून रक्षण करते. त्याच प्रेरणेतून, कर्करोगासारख्या गंभीर आजाराशी सामना करणाऱ्या रुग्णांच्या पाठीशी उभे राहण्याचे कार्य संस्थेने करावे, असा विचार त्यांनी मांडला. सुदर्शनचे हे सेवाचक्र म्हणजे जनजागृती, वेळेवर तपासणी, योग्य वैद्यकीय मार्गदर्शन, उपचारांशी जोडणी आणि रुग्णाला मिळणारा आधार यांची अखंड साखळी. आजाराभोवती निर्माण होणारे अज्ञान, भीती आणि असहायता दूर करून रुग्णाला योग्य मदतीपर्यंत पोहोचवणे, ही या संकल्पनेची दिशा आहे.

‘सुदर्शन’ हे नाव संस्थेसाठी केवळ एक ओळख नसून रुग्णाच्या जीवनात आशा, धैर्य आणि आधार निर्माण करण्याची प्रेरणा आहे. वैद्यकीय तज्ज्ञांच्या सहकार्याने आणि समाजाच्या सहभागातून हे सेवाचक्र सातत्याने कार्यरत ठेवणे, हीच संस्थेची भावना आहे.

01

आरोग्य

जनजागृती, तपासणी, मार्गदर्शन आणि रुग्ण सहाय्य.

02

शिक्षण

माहितीपूर्ण समाजासाठी प्रबोधन व ज्ञानाची देवाणघेवाण.

03

सामाजिक सेवा

समरसता, नागरिक सहभाग आणि संस्थांमधील सहकार्य.

जडणघडणीतील मोलाचे योगदान

स्व. श्री. धनंजय रामचंद्र घाटे

स्व. श्री. धनंजय रामचंद्र घाटे
स्व. श्री. धनंजय रामचंद्र घाटे

सुदर्शन भारत सेवा फाउंडेशनच्या प्रारंभीच्या जडणघडणीत संस्थापक योगेश देशपांडे यांचे भाऊ स्वर्गीय श्री. धनंजय रामचंद्र घाटे (धनंजयदादा) यांचे मोलाचे योगदान आहे. संस्थेची संकल्पना आणि नियोजित सेवाकार्य त्यांच्यासमोर मांडल्यानंतर त्यांनी कार्याची रचना उभी करण्यासाठी मार्गदर्शन केले आणि आवश्यक व्यक्तींशी संपर्क व जोडणी घडवून आणली.

सावरकर अध्ययन केंद्र येथे झालेल्या संस्थेच्या पहिल्या उद्घाटन कार्यक्रमाला योगेश देशपांडे यांचे दोन्ही भाऊ, स्वर्गीय श्री. धनंजय घाटे आणि श्री. धीरज घाटे, उपस्थित होते. कौटुंबिक जिव्हाळ्यासोबतच त्यांच्या मार्गदर्शनाने, प्रोत्साहनाने आणि सहकार्याने संस्थेच्या सेवाकार्याला प्रारंभापासून बळ मिळाले.

सेवेचा विचार

आपली प्रेरणा

समाजासाठी सेवा, परस्परांचा सन्मान आणि गरजू व्यक्तीच्या पाठीशी उभे राहण्याची भावना ही संस्थेच्या कार्याची प्रेरणा आहे.

भारत मातेप्रती सेवाभाव, श्रीकृष्णाच्या सुदर्शन चक्राची संकल्पना आणि राष्ट्रीय स्वयंसेवक संघाचे पाचवे सरसंघचालक श्री. के. एस. सुदर्शन यांची प्रेरणा “सुदर्शन” या नावामागे आहे.

स्वस्मै स्वल्पं समाजाय सर्वस्वम् ।
सेवा परमो धर्मः ।

हा सेवाविचार आरोग्य जनजागृती, रुग्ण सहाय्य, शिक्षण आणि समाजातील सहकार्याच्या माध्यमातून कृतीत आणण्याचा आमचा प्रयत्न आहे.

भारत माता आणि श्री. के. एस. सुदर्शन : संस्थेची प्रेरणा
भारत माता आणि श्री. के. एस. सुदर्शन : संस्थेची प्रेरणा

सेवा · विश्वास · पारदर्शकता

समाजसेवेच्या संकल्पातून सुदर्शनच्या कार्याचा प्रारंभ.

सेवाकार्य प्रारंभ: १८ जून २०२३. अधिकृत नोंदणी: १९ जुलै २०२३. CSR नोंदणी क्रमांक: CSR00119640.

नोंदणी व प्रमाणपत्रे पाहा